[潮流飲食系列] 為左證明我係走係潮流既尖峰，我梗係要第一時間衝去試新野啦！今日既主角就係我！[Yeah! 吹咩!] 而配角就係KFC既雙層雞扒漢堡！
呢件罪惡既溫床，我由尋晚已經準備好同佢死過咖喇！有得食喇！一打開，嘩！細件到呢！同張相差咁遠既！我咁大件，點夠飽呀！當焦點轉移去塊芝士，可以唔溶到一個極緻！塊煙肉呢，好似烚咁既樣既！我本身幻想係好脆咖嘛！[我都知我幾十歲人唔應該咁多幻想既！我控制唔到咖！]
一食落去，你估有咩感覺先！嗱！我可以話你聽唔係就係食家鄉雞咁簡單既！佢果兩件雞係普通唔辣既家鄉雞既味，但係搭埋個醬加煙肉效果又幾好喎！不過如果煙肉係脆既芝士係溶既會好d囉！(我都知我奄尖咖喇!) 如果你係一個食肉獸既，COME ON! 你仲唔拎銀包出發？但如果你對炸雞係無乜感情既，唔好嘥quota喇！食其他野會開心d囉！
KFC
雙層雞扒漢堡餐 $36.9
Search